ڕووسیا: دانوستانەکان لەگەڵ ئۆکراینا وەستاون

ئاڤا نیوز

هەوڵەکان بۆ ڕاگرتنی شەڕی زیاتر لە سێ ساڵەی نێوان ڕووسیا و ئۆکراینا بەردەوامە و ڕووسیاش دەڵێت، دانوستانەکان لەگەڵ ئۆکراینا وەستاون.

لێدوانی فەرمی: دیمیتری پێسکۆڤ، وتەبێژی کۆشكی سەرۆکایەتیی ڕووسیا 'کرێملین' ڕایگەیاند: دانوستانکارانمان لە پەیوەندییدان، بەڵام لە ئێستادا ڕاستتر وایە بڵێین دانوستانەکان وەستاون، دەشڵێت لە ئەگەری دەستپێکردنەوەی دانوستانەکان ڕاستەوخۆ ئەنجامێکی بەرچاو بەدی دەهێندرێت.

بەتەنیشت ئەم بابەتەوە: ڤۆلۆدیمیر زێلێنسکی، سەرۆکی ئۆکراینا جەختی لەوە کردەوە کە پووتین دەیەوێت هەموو ئۆکراینا داگیر بکات، ئەمەش لە کاتێکدایە کە ڕووسیا لە هێرشەکانی بەردەوامە.

لەلایەکی دیکەوە: دۆناڵد ترەمپ، سەرۆکی ئەمریکا هۆشداری بە ڤلادیمێر پووتین دەدات و دەڵێت: ئارامی بەرامبەر هێرشەکان لەدەست دەدات و سزای زۆر تووند دەسەپێنێت.