ڕووداوێکی هاتووچۆ لە کەرکووک گیانلەدەستدانی پێنج کەسی لێکەوتەوە

ئاڤا نیوز

لەسەر ڕێگای پشتێنەیی کەرکووک، ڕووداوێکی سەختی هاتووچۆ ڕووی دا و پێنج کەس گیانیان لەدەست دا و چوار کەسی دیکەش زامدار بوون.

زانیاریی پەیامنێر: دیار مەحموود، پەیامنێری ئاڤا میدیا لە کەرکووک ڕایگەیاند، بەرەبەیانی ئەمڕۆ لەسەر ڕێگەی پشتێنەیی کەرکووک، ئۆتۆمبێلی جۆری ئۆپڵ ڤیکترا، کۆنتڕۆڵی لەدەست داوە کە پێنج سەرنشینی تێدا بووە، خۆی کێشاوە بە چوار شۆفێری بارهەڵگر کە لە قەراغی شەقامەکە وەستاون.

زانیاریی زیاتر: پێنج کەس گیانیان لەدەست داوە کە دووانیان سەرنشینی ئۆپڵەکە بوونە و سێ کەسەکەی دیکە شۆفێری بارهەڵگرەکان بوونە، چوار کەسی دیکەش زامدارن گواستراونەتەوە بۆ نەخۆشخانەی کەرکووک.