زانیاریی ئاڤا: ئەم هەفتەیە بەشەئاردی هەشتەمی ئەمساڵ دابەش دەكرێت

ئاڤا نیوز

لە هەرێمی كوردستان دەست دەكرێت بە دابەش كردنی بەشەئاردی هەشتەمی ئەمساڵ و، دوای كۆتاییهاتنی دابەش كردنی سەبەتەی پێنجەمی بەشەخۆراكیش، ئامادەكارییەكان بۆ دابەش كردنی سەبەتەی شەشەمی خۆراك دەست پێ دەكات.

لێدوانی فەرمی: نەوزاد شێخ كامیل، بەڕێوەبەری گشتیی بازرگانیی هەرێمی كوردستان، تایبەت بە ئاڤا ڕایگەیاند، لە پارێزگاكانی هەولێر و دهۆك دابەش كردنی بەشە ئاردی حەوتەمی ئەمساڵ كۆتایی هاتووە و، ئەم هەفتەیە دەست دەكەین بە دابەش كردنی بەشە ئاردی هەشتەم بەسەر بریكارەكانی دابەش كردنی ئارددا.

 

ئاماژەی بەوەشكرد، ئێستا دابەش كردنی سەبەتەی پێنجەمی بەشەخۆراك لە پارێزگاكانی هەرێمی كوردستان لە قۆناغی كۆتایی دایە و دوای تەواوبوونی پرۆسەكە ئامادەكاریی دەكەین بۆ دابەش كردنی سەبەتەی شەشەمی بەشەخۆراك بەسەر بریكارەكاندا.

 

نەوزاد شێخ كامیل ڕوونیشی كردەوە، ئەو ئاردەی ئەمجارە دابەش دەكرێت، كوالێتی زۆر باشە بۆ بەكارهێنان و پێشتریش تاقیكراوەتەوە.

 

زانیاریی زیاتر: سەبەتەی پێنجەمی بەشەخۆراكی مانگانە پێكهاتبوو لە برنج، شەكر، نیسك، لەتكەنۆك و زەیت، بۆ بەشەخۆراکی هەشتەمیش هەمان ئەو ماددە خۆراكییانە بە هاووڵاتیان دەدرێن.