عەبدوڵڵا ئۆجەلان نامەیەک بۆ سەرۆک هۆزە عەرەبەکانی سووریا دەنێرێت

ئاڤا نیوز

بەپێی هەواڵێکی ئاژانسی هاوار، عەبدوڵڵا ئۆجەلان، ڕێبەری زیندانیکراوی پەکەکە نامەیەکی بۆ ریشسپی و سەرۆکی هۆزە عەرەبەکانی سووریا ناردووە، بەڵام هیچ زانیارییەک دەربارەی ناوەڕۆکی نامەکە بڵاونەکراوەتەوە.

ئەوەی پێویستە بیزانیت: ناردنی ئەم نامەیەی ئۆجەلان لە کاتێکداتە کە هێشتا حکومەتی سووریا و هەسەدە ڕێکنەکەوتوون، ساردبوونەوە لە رێککەوتنی 10ـی ئادار هەیە، لەلایەکی دیکەشەوە تورکیاش هەوڵ دەدات هەسەدە پابەند بکات بە ڕێککەوتنی 10ـی ئاداری 2025.

ڕاگەیێنراوی فەرمی: فەرزەندە مونزور، ئەندامی دەستپێشخەری سووریی بۆ ئازادی ئۆجەلان، بە ئاژانسی هاواری ڕاگەیاندووە، ئۆجەلان نامەیەکی بۆ ریشسپی و سەرۆکی هۆزە عەرەبەکانی سووریا ناردووە. دەشڵێت، نامەکەمان بەدەست گەیشتووە و لە کاتێکی نزیکدا دەیگەیێنین.

زانیاریی زیاتر: هیچ زانیارییەک دەربارەی ناوەڕۆکی نامەکە بڵاونەکراوەتەوە.