وەزیری دەرەوەی ئەمریکا گەیشتە ئیسرائیل

ئاڤا نیوز

دوا بەدوای هێرشەکانی ئیسرائیل بۆ سەر قەتەر، وەزیری دەرەوەی ئەمریکا بۆ تاوتوێکردنی ئەم پرسە سەردانی تەلئەڤیڤ دەکات و لەگەڵ بەرپرسانی باڵای ئەو وڵاتە کۆدەبێتەوە.

وێنە گەورەکە: ڕۆژی یەکشەممە 14-9-2025، مارکۆ ڕۆبیۆ، وەزیری دەرەوەی  ئەمریکا گەیشتە ئیسرائیل، ئەم سەردانە دوای هێرشەکەی ئیسرائیل بۆ سەر دەوحەی پایتەختی قەتەر دێت، کە بووە هۆی تورەبوونی دۆناڵد ترەمپ، سەرۆکی ئەمریکا.

ئەوەی پێویستە بیزانیت: دوێنی وەزارەتی دەرەوەی ئەمریکا لە بەیاننامەیەکدا ڕایگەیاند: لەو سەردانەدا ڕۆبیۆ تاوتوێی پرسە فراوانەکانی پەیوەست بە ئاسایشی ڕۆژهەڵاتی ناوەڕاست ململانێی نێوان ئیسرائیل و حەماس دەکات، هاوکات جەختکردنەوەی  ئامانجە هاوبەشەکانی ئەمریکا و ئیسرائیل و ڕێگریکردن لە حوکمی حەماس لە غەززە''.