ئاڤا ناوی کارمەندانی سەر سندووقی دەنگدان بڵاودەکاتەوە

ئاڤا نیوز

 

نیوەڕۆی ئەمڕۆ یەکشەممە کۆمیسیۆنی هەڵبژاردنەکانی عێراق تیروپشکی بۆ دیاری کردنی کارمەندانی سەر سندووقی دەنگدان کرد و ناوەکانی بڵاوکردەوە.

 

وێنە گەورەکە: بۆ هەڵبژاردنی پەرلەمانی عێراق کۆمیسیۆن پێویستی بە 250 هەزار کارمەندی سەر سندووقی دەنگدان بۆ هەردوو دەنگدانی گشتیی و تایبەت هەیە، بەڵام زیاتر لە 800 هەزار کەس داواکارییان پێشکەش کردبوو تا ببنە کارمەندی سەر سندووق، پاداشتی هەر کارمەندێکیش بەگوێرەی ئەرکەکەی لە نێوان 150 هەزار بۆ 400 هەزار دینار دەبێت.

 

بڵاوکراوەی فەرمی: ئەمڕۆ یەکشەممە (14ی ئەیلوول) کۆمیسیۆنی هەڵبژاردنەکانی عێراق تیروپشکی کرد و  ناوی کارمەندانی سەر سندووقی دەنگدانی بڵاوکردەوە.

 

ڕێنمایی ئاڤا: ئەگەر تۆ داواکاریت بۆ بوون بە کارمەندی سەر سندووق پێشکەش کردووە، پێویستە ئەپڵیکەیشنی کۆمیسیۆن دابەزێنیت و لە بەشی کارمەندی سەر سندووق ژمارەی کارتی دەنگدانت داخڵ بکەیت، دواتریش ڕاستەوخۆ ناوەکەت نیشان دەدرێت کە ئاخۆ قبووڵ کراویت یاخود نا.

ئەپڵیکەیشنی کۆمیسیۆن (بۆ ئەندرۆید)

 

ئەپڵیکەیشنی کۆمیسیۆن (بۆ ئایفۆن)