ئەلبانیا بە ژیریی دەستکرد وەزیرێک بۆ ڕووبەڕووبوونەوەی گەندەڵی دروست دەکات

ئاڤا نیوز

ئەلبانیا وەزیرێک بە ژیریی دەستکرد درووست دەکات و بە هۆیەوە شەڕی دژی گەندەڵی دەکات.

چیرۆکی سەرەکی: بە مەبەستی ڕووبەڕووبوونەوەی گەندەڵی لە وڵاتەکەی، ئەلبانیا بڕیاری دا وەزیرێک بە ژیریی دەستکرد دروست بکات و بیکاتە ئەندامی ئەنجوومەنی وەزیرانی وڵاتەکەی.  وەزیرەکە ناونراوە 'دیێلا' کە لە زمانی ئەلبانیدا بە واتای خۆر دێت.

لێدوانی فەرمی: ئێدی ڕاما، سەرۆکوەزیرانی ئەلبانیا وەزیرەکەی ناساند و ڕایگەیاند، دەبێتە ئەندامی ئەنجوومەنی وەزیران لە کابینەکەی. سوودی ئەم وەزیرە ئەوەیە کە ناخەڵەتێنرێت، بەلاڕێدا نابرێت و دزە بە زانیارییەکانی ناکرێت. 

زانیاریی زیاتر: ئەم هەنگاوەی سەرۆکوەزیران تەنیا سیمبولیکە و بەهای یاسایی نییە، چونکە بە گوێرەی دەستووری ئەو وڵاتە پێویستە وەزیرانی حکومەت هاووڵاتیی ئەو وڵاتە بن، لە ڕووی ژیرییەوە شایستە بن و تەمەنیان لانیکەم 18 ساڵ بێت.