كونسوڵی گشتیی بەریتانیا، سەردانی لاهوور شێخ جەنگی لە زیندان دەكات

ئاڤا نیوز

ئەمڕۆ یەکشەممە، كونسوڵی گشتیی بەریتانیا لە هەرێمی كوردستان، سەردانی لاهوور شێخ جەنگی لە زیندان كردووە.

وێنە گەورەكە: دوای شەڕە خوێناوییەكەی هۆتێل لالەزار لە شاری سلێمانی، لە بەرەبەیانی 22ـی ئابی 2025 كە بووە هۆی كوژرانی دەیان كەس و زیانگەیاندن بە موڵك و ماڵی هاووڵاتیان، لاهوور شێخ جەنگی، سەرۆكی بەرەی گەل، لەلایەن هێزە ئەمنییەكانی یەكێتی دەستگیركرا و تا ئێستا لە زیندانی كانی گۆمەی ئاسایش زیندانی كراوە.

لێدوانی فەرمی: سەرچاوەیەک لە بەرەی گەل، تایبەت بە ئاڤا میدیا ڕایگەیاند، ئەمڕۆ ئەندرو بیزلی، کونسوڵی گشتیی بەریتانیا لە هەرێمی کوردستان سەردانی لاهوور شێخ جەنگی، سەرۆكی زیندانیكراوی بەرەی گەلی کردووە.

پێدراوە ڕاستییەكان: بە گوتەی ئەو ئەندامەی سەركردایەتی بەرەی گەل لە هەولێر، كونسوڵی گشتیی بەریتانیا وتوویەتی "دۆخی لاهوور شێخ جەنگی لە زیندان باشە."

ئەوەی پێویستە بیزانیت: لاهوور شێخ جەنگی، جگە لەوەی كەسایەتییەكی سیاسییە و سەرۆكایەتیی پارتێكی سیاسیی مۆڵەتپێدراو دەكات، خاوەنی ڕەگەزنامەی بەریتانیایە.