وەزیری پەروەردە: ئاڤا ڕۆلی بەرچاوی گێراوە بۆ دەستنیشانکردنی خاڵە نەرێنی و ئەرێنیەکانی کۆمەڵگە

ئاڤا نیوز

بەبۆنەی تێپەڕبوونی ساڵێك بەسەر پەخشی ئاڤا میدیا، وەزیری پەروەردەی حکومەتی هەرێمی کوردستان، هیوای خواست ئاڤا بەهەمان ئەو گڕوتینەوە بەردەوام بێت لە خستنەڕووی ڕاستی و کەموکوڕییەکان وەکو خۆی.

پەیامی فەرمی د. ئالان حەمەسەعید، وەزیری پەروەردەی هەرێمی كوردستان، لە ساڵیادی ئاڤا: پیرۆزبایی ئاراستەی بەڕێوەبەر و كارمەندان و تەواوی ستافی كەناڵی ئاڤا میدیا دەكەم، هیوا دەخوازم ئاڤا بەهەمان ئەو گڕوتینەوە بەردەوام بێت لە خستنەرووی ڕاستیی و کەموکوڕییەکان وەکو خۆی.

ڕۆڵێکی بەرچاوتان گێڕاوە وەک دەسەڵاتی چوارەم لە دەستنیشانکردنی خاڵە نەرێنی و ئەرێنییەكانی کۆمەڵگەکەمان کە ئەمەش بووەتە هۆی وەرگرتنی متمانەی بینەرانتان.