پرسەکانی ئاو و "پەکەکە" فوئاد حوسێن و هاکان فیدان کۆدەکاتەوە

ئاڤا نیوز

فوئاد حوسێن، وەزیری دەرەوەی عێراق و هاکان فیدان، هاوتا تورکییەکەی کۆبوونەوە و پرسەکانی ئاو و پێشهاتەکانی پرۆسەی ئاشتی تاوتوێ کران.

چیرۆکی سەرەکی: فوئاد حوسێن و هاکان فیدان لە پەراوێزی لووتکەی دەوحە کۆبوونەوە، پرسەکانی؛ ئاو، پارتی کرێکارانی کوردستان و هەڵبژاردنی داهاتووی پەرلەمانی عێراق تەوەری سەرەکیی کۆبوونەوەکە بوون.

ڕاگەیێنراوی فەرمی: وەزارەتی دەرەوەی عێراق ڕایگەیاند: لە میانی دیدارەکەدا پرسی بەڕێوەبردنی ئاو و بەردانەوەی ئاو لە لایەنی تورکیاوە. هاوکات باس لە دۆخی ئێستای ناوچەکە و سیاسەتەکانی ئیسرائیل کرا کە هەڕەشەیەکی ئاشکرایە بۆ سەر ئاسایش و سەقامگیری ناوچەکە.

زانیاریی زیاتر: لە کۆبوونەوەکەدا باس لە پێشکەوتنی دانوستانەکانی نێوان حکومەتی تورکیا و پارتی کرێکارانی کوردستان "پەکەکە" و پێشهاتەکانی پەیوەست بەم بابەتەوە کرا، هەروەها باس لە بارودۆخی سووریا کرا و هەردوو وەزیر جەختیان لە گرنگیی سەقامگیری و یەکپارچەیی خاکی سووریا لە ژێر ڕۆشنایی هەوڵەکانی ئیسرائیل بۆ تێکدانی ئاسایشی وڵاتەکەیان کردەوە.