دوو تۆمەتبار 126 ملیۆن دینار و 60 مسقاڵ ئاڵتوون دەدزن

ئاڤا نیوز

 
دوو تۆمەتبار لە چەمچەماڵ بڕی 126 ملیۆن دینار و نزیکەی 60 مسقاڵ ئاڵتوون دەدزن و دواتر دەستگیر دەکرێن.

ڕاگەیێنراوی فەرمی: بەڕێوەبەرایەتیی پۆلیسی سلێمانی ڕایگەیاند: دوای ئەوەی هاونیشتمانییەک سکاڵای تۆماركرد کە بڕی 126 ملیۆن دینار و نزیکەی 60 مسقاڵ ئاڵتوونی لێ دزراوە، مەفرەزەكانی نووسینگەی نەهێشتنی تاوانی چەمچەماڵ لێكۆڵینەوە و بەدواداچوونەكانیان دەستپێكرد، دوای وەرگرتنی بڕیاری دادوەر، توانرا دوو تۆمەتبار دەستگیربكرێن. هەروەها دەستگیرا بەسەر بڕێک لە پارە دزراوەکەدا.

زانیاریی زیاتر: هەردوو تۆمەتبارەکە لە دایکبووی ساڵەکانی 1999 و 2000ـن و دانیان بە تاوانەکەیاندا ناوە، بەپێی ماددەی 443 لە یاسای سزادان ڕاگیراون و لێکۆڵینەوە لە دۆسیەکە بەردەوامە.