لە بەغدا ڕووبەڕووبوونەوەیەکی چەکداری کوژرانی کەسێکی لێدەکەوێتەوە

ئاڤا نیوز

 

ئەمڕۆ دووشەممە لە ناوچەی عەلاوی بەغدا شەڕ و پێکدادان لەنێوان دوو لایەندا دروستبووە، لە ئەنجامدا کەسێک کوژراوە و پێنجی دیکەش برینداربوون.

زانیاریی بەدەستهاتوو: سەرچاوەیەکی ئاگادار لە ڕووداوەکە بە ئاڤا میدیای ڕاگەیاند، گرژییەکە لەنێوان چەند کەسێکدا دروستبووە و دواتر بۆ بەکارهێنانی چەکی مام ناوەند گۆڕاوە، لایەنی یەکەم ئۆمبێلێکی وەزارەتی بەرگرییان پێبووە و لەوان کەسێکی مەدەنی کوژراوە، چوار کەسی دیکەش کە پلەکانیان عەمید، پۆلیسی دادوەری، کارمەندی فیرقەی تایبەت بووە، برینداربوون.

ئاماژەی بەوەشکرد، لایەنی دووەمیش پێنج کەس بوون و یەکێکیان برینداربووە، چوار کەسەی دیکەش کە لەگەڵ ئەم لایەنە بوون دەستگیرکراون، بریندارەکانیش بۆ نەخۆشخانە گوازراونەتەوە و لێکۆڵینەوە لە هۆکاری ڕووداوەکە دەستیپێکردووە، هاوکات کامێراکانی چاودێریش لە شوێنی ڕووداوەکە کۆکراونەتەوە.