پەیامێک لە سەرۆک بارزانییەوە بۆ ئافرەتانی کوردستان

ئاڤا نیوز

سەرۆک بارزانی لە کۆبوونەوەی لەگەڵ ئافره‌تانی كۆمیته‌ی ناوه‌ندی و سه‌رپه‌رشتیاری یه‌كه‌مین كۆنفرانسی ئافره‌تانی كوردستان ڕایگەیاند: زۆر خۆشحاڵم كە دەبینم ژمارەیەكی زۆر لە ئافرەتان ڕۆڵێكی گه‌وره‌ و به‌هێز له‌ بونیادنانی كۆمه‌ڵگه‌دا ده‌بینن.


چیرۆکی سەرەکی: ئەمڕۆ سێشەممە سەرۆک بارزانی لەگەڵ ئافره‌تانی كۆمیته‌ی ناوه‌ندی و سه‌رپه‌رشتیاری یه‌كه‌مین كۆنفرانسی ئافره‌تانی كوردستان کۆبووەوە.


ڕاگەیێنراوی فەرمی: ئامینە زکری، ئەندامی مەکتەبی سیاسی پارتی دیموکراتی کوردستان کە لە کۆبوونەوەکە بەشداربوو باسی لەوەکرد کە سەرۆک بارزانی لە کۆبوونەوەکەماندا پەیامێکی بۆ ئافرەتانی کوردستان هەبووە و گوتی، "من زۆر خۆشحاڵم كە دەبینم ژمارەیەكی زۆر لە ئافرەتان ڕۆڵێكی گه‌وره‌ و به‌هێز له‌ بونیادنانی كۆمه‌ڵگه‌دا ده‌بینن، هه‌روه‌ها جه‌نابیان جه‌ختیان له‌سه‌ر ئه‌وه‌ كرده‌وه‌ كه‌ ڕۆڵی خۆتان لە پەروەردە لەسەر هزری نیشتیمانپەرەوەری له‌سه‌ر ئافره‌تان و نه‌وه‌كانی داهاتوو بەگەڕ بخەن‌، گرنگه‌ لە هەموو بوارەكان، ئافرەتی كورد رۆڵی خۆی ببینێت".

لە بەشێکی دیکەی قسەکاندا ئامینە زکری، باسی لەوەکرد، سه‌رۆك بارزانی هه‌میشه‌ جه‌خت له‌سه‌ر ئه‌وه‌ ده‌كاته‌وه‌ كه‌ پێویسته‌ ئافره‌تانی كوردستان پەرە به‌تواناكانی خۆیان بده‌ن و له‌مباره‌وه‌ پاڵپشتێكی به‌هێز بووه‌، باشترین نموونه‌ش پارتی وه‌ك یه‌كه‌م حزبی باشووری كوردستان رێژه‌ی كۆتای ئافره‌تانی كۆمیته‌ی ناوه‌ندی له‌ كۆنگره‌ی 14ـدا به‌رزكرده‌وه‌ بۆ (15%).

باکگراوند: لە ڕۆژانی 13 و 14 ی نیسانی 2025 لە شاری هەولێر، لە ژێر دروشمی "بەتواناکانمان داهاتوو بنیاد دەنێین" و بە چاودێریی سەرۆک بارزانی، یەکەمین کۆنفرانسی ئافرەتانی کوردستان بەڕێوەچوو، لەماوەی ئەو دوو ڕۆژەدا چەند پانێڵێکی سەرەکی پێشکەشکران کە چەندین بابەتی لە خۆگرتبوو لەوانە؛ ڕۆڵی ئافرەت لە هەڵبژاردن و پێگەی ئافرەت لە دامەزراوە میدیاییەکان و کاری ڕێکخراوەی.