لە سنووری هەولێر 561 پارچە زەوی تاپۆ دەکرێن

ئاڤا نیوز

 

لە سنووری قەزای قوشتەپە لە هەولێر 561 پارچە زەوی تاپۆ کران و وێنەی تۆماریان ڕادەستی خاوەنەکانیان دەکرێتەوە.

 

چیرۆکی سەرەکی: له‌ چوارچێوه‌ی كاره‌كانی تاپۆكردنی زه‌وییه‌ كارته‌كان له‌ سنووری هه‌ولێر و ده‌وروبه‌ری، 561 پارچه‌ زه‌ویی كارت له‌ سنووری سه‌رۆكایه‌تیی شاره‌وانیی قوشته‌په‌ له‌لایه‌ن یه‌كه‌ی گۆڕینی كارتی زه‌وی بۆ سه‌نه‌د به‌ هاوكاریی له‌گه‌ڵ لایه‌نه‌ په‌یوه‌ندیداره‌كان تاپۆ كران، ئێستا ئەو زەوییانە وێنه‌ی تۆماریان ئاماده‌یە و ڕادەستی خاوەنەکانیان دەکرێتەوە.

 

لێدوانی فەرمی: ئەندازیار عەبدولقادر مزەفەر، سەرۆکی شارەوانیی قوشتەپە بە ئاڤای وت، تاپۆکردنی ئەو پارچە زەوییانە هەنگاوێکی گرنگە و خزمەت بە سنووری قوشتەپە و هاونیشتمانیان دەکات، لە داهاتووشدا هەوڵەکانمان بۆ گەیاندنی شەقام و خزمەگوزارییەکانی دیکە بە گەڕەکەکە دەست پێ دەکات. 

 

زانیاریی زیاتر: بە گوتەی سەرۆکی شارەوانی لە گەرەکێکی دیکەی قوشتەپە کێشەی تاپۆکردنی چەند شوینێکیان هەیە و داوا دەکەن بە زووترین کات بۆیان چارەسەر بکرێت.