بڕیاری لێخۆشبوونی ڕێژەی %15ـی پێشینەکان پێشمەرگە دەگرێتەوە

ئاڤا نیوز

 

بڕیاری ئەنجوومەنی وەزیران بۆ لێخۆشبوونی %15ـی پێشنینەکان هێزەکانی پێشمەرگە دەگرێتەوە، بەڵام مەرجی بڕیارەکە ئەوەیە پێشینەکەیان دوای دامەزراندنیان وەرگرتبێت.

 

چیرۆکی سەرەکی: لە چەند ڕۆژی ڕابردوو ئەنجوومەنی وەزیرانی هەرێمی كوردستان بڕیاری لێخۆشبوونی ڕێژەی %15 بڕی پێشینە و قەرزەكانی دا، هەروەها بڕیاری لێخۆشبوونیشی لە تەواوی سوودی بانكی و سزای پێبژاردنی دواكەوتنی دانەوەی پارەی سولفەی خانووبەرە و هاوسەرگیری دا.

ئەوەی پێویستە بیزانیت: سەرۆكایەتیی ئەركانی وەزارەتی پێشمەرگە نووسراوێكی ئاراستەی سەرجەم  لیوا و بەڕێوەبەرایەتییەكانی وەزارەت کردووە کە کۆپییەکی دەست ئاڤا کەوتووە، داوا دەكات ناوی سەرجەم ئەفسەر و پلەدار و پێشمەرگەكانیان بۆ بنێرن ئەوانەی كە پێشینەی خانووبەرە و هاوسەرگیری لەژێر ناوی هاووڵاتی وەرگرتووە، بەڵام بەهۆی دواكەوتنی دانەوەی قەرزەكە پێبژاردنی داراییان بۆ هاتۆتە سەر، بۆ ئەوەی كاری پێویستیان بۆ لێخۆشبوون لە غەرامەكە بۆ بکەن.

مەرجەکان: مەرجەكە بۆ ئەفسەر و پێشمەرگەكان بۆ لێخۆشبوون بە ڕێژەی %15 بۆ پێشینە و قەرزەکان ئەوەیە: پێشینەکانیان لەدوای دامەزراندنیانەوە وەرگرتبێت.