کۆبوونەوەی ئەنجوومەنی دەوڵەت لەبارەی داهاتی نانەوتیی کوردستان کۆتاییهات

ئاڤا نیوز

کۆبوونەوەی ئەنجوومەنی دەوڵەت لەبارەی لەبارەی ناکۆکیی هەردوو حکومەتی کوردستان و عێراق لەبارەی داهاتی نانەوتی کوردستان بەبێ دەرکردنی هیچ بۆچوونێک و ڕاوێژێکی یاسایی کۆتاییهات و کۆبوونەوەکە دواخرا بۆ سبەی.

 

وێنە گەورەکە: کێشەکانی نێوان هەولێر و بەغدا لەسەر هەناردەکردنەوەی نەوت و داهاتی ناوخۆ تائێستا بە هەڵپەسێردراوی ماونەتەوە، بۆ چارەسەرکردنی کێشەکانیش ئەنجوومەنی وەزیرانی عێراق نووسراوی فەرمی بۆ ئەنجوومەنی دەوڵەت کردووە و داوا دەکات ئەنجوومەنەکە ڕای یاسایی خۆی بخاتەڕوو.

 

چیرۆکی سەرەکی: ئەمڕۆ چوارشەممە 2025-9-17، بۆ جاری سێیەم ئەنجوومەنی دەوڵەت لەبارەی ناکۆکیی هەردوو حکومەتی کوردستان و عێراق لەبارەی داهاتی نانەوتی کوردستان کۆبووەوە، بەڵام کۆبوونەوەکە بێ هیچ ئەنجامێک و دەرکردنی هیچ بۆچوونێکی یاسایی کۆتاییهات و دواخرا بۆ سبەی.

 

زانیاریی پەیامنێر: بەگوێرەی زانیارییەکانی دەروون مەلا ناجی، پەیامنێری ئاڤا لە بەغدا کۆبوونەوەی ئەنجوومەنی دەوڵەت لەبارەی داهاتی نانەوتی هەرێمی کوردستان کۆتایی هات، بەبێ دەرکردنی هیچ بۆچوونێک.

 

ئەوەی پێویستە بیزانیت: ناکۆکییەکە لەسەر چۆنیەتی دابەشکردنی داهاتی نانەوتی هەرێمی کوردستانە. حکومەتی عێراق داوا دەکات هەولێر سەدا سەدی داهاتی نانەوتی بداتە بەغدا بکات و دواتر تەنیا سەدا 50ی داهاتی گومرگ بۆ هەرێم بگەڕێنرێتەوە. لە بەرامبەردا، حکومەتی کوردستان ئامادەیی دەربڕیوە سەدا 50ی داهاتە فیدراڵییەکان، گومرگ و باج بدات بە بەغدا، بە مەرجێک سەدا سەدی ڕسووماتی ناوخۆ بۆ هەرێمی کوردستان بێت.