بەهۆی ئاگرەکەی دهۆک 150 دووکان زیانی گەورەیان بەرکەوتووە

ئاڤا نیوز

بەپێی نوێترین ئاماری بەرگریی شارستانیی دهۆک، زیاتر لە 150 دووکان لە ئاگرەکەی بازاڕی چەلێ زەرەر و زیانی ماددی گەورەیان بەرکەوتووە.

چیرۆکی سەرەکی: کاتژمێر 03:43 بەرەبەیانی ڕۆژی دووشەممە 01-04-2024 ئاگرێکی گەورە لەناو یەکێک  لە بازاڕەکانی سەنتەری پارێزگای دهۆک "بازاڕی چەلێ" کەوتەوە، بەهۆیەوە زیانێکی زۆری گەورەی ماددی لێکەوتەوە.  

لێدوانی فەرمی: بێوار عەبدولعەزیز، گوتەبێژی بەڕێوەبەرایەتیی بەرگریی شارستانیی دهۆک بە ئاڤا نیوزی ڕاگەیاند: بە بەژداری سێ تیمی بەرگری شارستانی، دوای سێ کاتژمێر توانرا ئاگرەکە کۆنترۆڵ بکرێت و زەرەر و زیانی ماددی گەورەی بە 150 دووکان گەیاند و 11 کەس توشی تەنگەنەفەسی بوون حەوت لەوانە لەتیمی بەرگری شارستانی بوون.

زانیاریی زیاتر: لیژنەیەک پێکهێنراوە بۆ زانینی هۆکاری دروستبوونی ئاگرەکە و خەمڵاندنی زەرەر و زیانەکان.