کۆمیسیۆن: زیاتر لە 21 ملیۆن دەنگدەر کارتی بایۆمەترییان بۆ دەرچووە

ئاڤا نیوز

کۆمسیۆنی باڵای سەربەخۆی هەڵبژاردنەکانی عێراق، دوایین ئاماری ئەو دەنگدەرانەی کە مافی دەنگدانیان لە هەڵبژاردنەکانی داهاتوودا هەیە ئاشکرا کرد و دەڵێت:"  زیاتر لە 21 ملیۆن دەنگدەرە کارتی بایۆمەترییان بۆ دەرچووە.

وێنە گەورەکە:  لە چوارچێوەی ئامادەکارییەکانی کۆمیسیۆن بۆ هەڵبژاردنی پەرلەمانی عێراق کە بڕیارە 11-11-2025 بکریت، هەزار و 70 بنکەی تۆماری دەنگدەرانی بۆ نوێی کردنەوەی زانیاری دەنگدەران و تۆمارکردنی ئەو کەسانەی تەمەنیان دەبێتە 18 ساڵ لەسەرانسەری عێراق کردەوە.

لێدوانی فەرمی: نبراس ئەبو سۆدە، جێگری وتەبێژی کۆمسیۆنیی باڵای سەربەخۆی هەڵبژاردنەکانی عێراق، ڕایگەیاند: 

کۆی ژمارەی ئەو دەنگدەرانەی کە مافی دەنگدانیان هەیە و کارتی بایۆمەترییان بۆ دەرچووە، گەیشتووەتە 21 ملیۆن و 404 هەزار و 291 دەنگدەر.

ژمارەی دەنگدەرانی دەنگدانی گشتی 20 ملیۆن و 63 هەزار و 773 دەنگدەرە.

 ژمارەی دەنگدەرانی دەنگدانی تایبەت، کە هێزە ئەمنییەکان و زیندانیان نەخۆشخانەکان دەگرێتەوە، گەیشتووەتە یەک ملیۆن و 313 هەزار و 980 دەنگدەر.

ژمارەی دەنگدەرانی ئاوارەکان 26 هەزار و 538 دەنگدەرە.

ژمارەکان وادەڵێن: بەپێی داتاکانی وەزارەتی بازرگانی، ژمارەی دەنگدەرانی لەدایکبووی ساڵی 2006 کە بۆیەکەمجار بەشداری لە هەڵبژاردنەکاندا دەکەن، گەیشتووەتە 837 هەزار و 903 دەنگدەر، لەو ژمارەیە  448 هەزار و 532  دەنگدەر داتاکانیان نوێی کردووەتەوە .