باڵیۆزخانەی سووریا لە واشنتن دوای 11 ساڵ دەکرێتەوە

ئاڤا نیوز

دوای نزیکەی 11 ساڵ لە داخستنی، وەزیری دەرەوەی سووریا ئاڵای وڵاتەکەی دووبارە لەسەر باڵەخانەی باڵیۆزخانەی وڵاتەکەی لە واشنتن پایتەختی ئەمریکا بەرز کردەوە.

وێنە گەورەکە: ڕۆژی 18-3- 2014 نێردەی تایبەتی ئەمریکا بۆ سووریا، دانیال ڕۆبینستاین، بەفەرمی داوای لە دەسەڵاتدارانی سووریا کرد کارەکانی باڵیۆزخانەکەیان لەواشنتن ڕابگرن، کارمەندەکانیش بۆ وڵاتەکەیان بگەڕێنەوە، دوای گۆڕانکارییەکانی سووریا هاتنە سەر دەسەڵاتی ئەحمەد شەرع، ئێستا سووریا دەیەوێت بگەڕێتەوە باڵیۆزخانەکەی لە ئەمریکا بکاتەوە. 

لیدوانی فەرمی: ئەسعەد شەیبانی، وەزیری دەرەوەی سووریا، کە ڕۆژی پێنجشەممەی ڕابردوو گەیشتە واشنتۆن، ڕایگەیاند: دوای ئەوەی بۆ چەندین ساڵ بەهۆی سیاسەتی ڕژێمی لەناوچوی بەشار ئەسەدەوە سووریا لەجیهان دابڕابوو و پێگەی نیودەوڵەتیی خۆی لەدەستدابوو، ئێستا و لەم قۆناغەدا پێی ناوەتە نێو دیپلۆماسی جیهانییەوە.

زانیاریی زیاتر: وەزیری دەرەوەی سووریا دەڵێت: "ناتوانین شەهیدان و برینداران و خانەوادەکانیان و ئەوانەی قوربانییان بۆ سووریا داوە لەبیر بکەین چونکە هەموو پیشکەوتنێکی وڵاتەکەمان دەرئەنجامی قوربانیدانی ئەوانە".