ترەمپ: لەشەڕی ڕووسیا و ئۆکراینادا پارە پەیدا دەکەین

ئاڤا نیوز

لەبارەی شەڕی ڕووسیا و ئۆکراینا، سەرەڕای هەوڵەکانی ئەمریکا بۆ ڕاگرتنی شەڕەکە، بەڵام سەرۆکی ئەمریکا ئاشكرای دەکات بەهۆی ئەم شەڕەوە وڵاتەکەی پارە پەیدا دەکات

وێنە گەورەکە: شەڕی ڕووسیا و ئۆکراینا ماوەی سێ ساڵ زیاترە بەردەوامە، سەرەڕای هەوڵەکانی ئەمریکا و وڵاتانی ئەوروپا، بەڵام تاوەکو ئێستا هیچ پێشكەوتنی بەرچاو بۆ ڕاگرتنی شەڕەکە بەدەستنەهاتووە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، ''ئەمریکا لە شەڕی ئۆکراینادا پارە پەیدا دەکات، ئەمەش بە فرۆشتنی ئامێرەکانمان، هەرچەندە ئێمە نامانەوێت پارە پەیدا بکەین بەڵام ناتۆ کەل و پەل لە ئێمە دەکڕێت و ئێمەش لەڕێگەی ئەمەوە پارە  پەیدا دەکەین''

زانیاریی زیاتر: ترەمپ ئاماژەی بەوەشکرد، پەیوەندییەکی تەلەفۆنی لەگەڵ شی جینپینگ، سەرۆکی چین کردووە، لەبارەی شەڕی ڕووسیا و ئۆکراینا و دۆخی غەززە گفتۆگۆیان کردووە، ئاماژەشی بەوەکرد، ئەگەر هەیە لەگەڵ چین بۆ کۆتاییهێنان بە ململانێی نێوان ڕووسیا و ئۆکراینا کار بکات.