لە هەزار و 630 قوتابخانەی سنووری هەولێر زەنگی خوێندن لێدرا

ئاڤا نیوز

ئەمڕۆ زەنگی خوێندن لە قوتابخانەکانی سنووری پارێزگای هەولێر لێدرا، پارێزگاری هەولێریش دەڵێت: 'ژمارەیەک قوتابی ئاوار و پەنابەر لە ناوەندەکانی خوێندن وەرگیراون'.

چیرۆکی سەرەکی: ئەمڕۆ یەکشەممە 21-9-2025، زەنگی ساڵی نوێی خوێندنی ساڵی 2025-2026 لە هەرێمی کوردستان و عێراق لێدرا.

لێدوانی فەرمی: ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا ڕایگەیاند: هەوڵەکانی سەرۆکوەزیران مەسرور بارزانی لە چوارچێوەی کارنامە و ستراتیژیی حکومەتی هەرێمی کوردستان ڕەوتی پەروەردە و خوێندنی بردووەتە قۆناغێکی دیکە.

پارێزگاری هەولێر وتیشی: سەرەڕای خراپی ڕەوشی دارایی لە نۆژەنکردنەوە و دروستکردنی قوتابخانە بەردەوامین، هەروەها  ژمارەیەک قوتابخانە لە ڕۆژانی داهاتوودا بە ڕووی قوتابییاندا دەکرێنەوە.

زانیاریی زیاتر: لە سنووری پارێزگای هەولێر نزیکەی 500 هەزار قوتابی دەست بە خوێندن دەکەن کە ژمارەیەک قوتابی ئاوارە و پەنابەریشی تێدایە.

ئەوەی پێویستە بیزانیت: هەزار و 630 قوتابخانە لە سنووری پارێزگای هەولێر بە ڕووی قوتابیاندا کرانەوە.