دوو وەزیری ئیسرائیل داوادەکەن بەشێکی غەززە بلکێنرێت بە ئیسرائیلەوە

ئاڤا نیوز

دوو وەزیری ئیسرائیلی داوایان کردووە کەناراوەکانی ڕۆژئاوای غەززە کە لەلایەن ئیسرائیلەوە داگیرکراوە بلکێنرێت بە ئیسرائیلەوە. ئەمەش دوای ئەوە دێت کە بەریتانیا و کەنەدا و ئوسترالیا دانیان نا بە دەوڵەتی فەڵەستیندا.

چیرۆکی سەرەکی: ڕاگەیاندنی دەوڵەتی فەڵەستین لەلایەن چەند وڵاتێکی جیهان، ئیسرائیلی تووڕە کردووە و دوو وەزیری ئەو وڵاتە داوای هەنگاوی بەپەلە لە حکومەتەکەیان دەکەن.

لێدوانی فەرمی: ئیتامار بن گڤیر، وەزیری ئاسایشی نەتەوەیی، لە پۆستێکیدا ڕایگەیاند: داننان بە دەوڵەتی فەڵەستین لەلایەن بەریتانیا و کەنەدا و ئوسترالیا پێویستی بە وەڵامدانەوەی خێرا هەیە، وەک جێبەجێکردنی خێرای سەروەری ئیسرائیل لە کەناراوەکانی ڕۆژئاوا و هەڵوەشاندنەوەی تەواوەتی دەسەڵاتی فەڵەستین.

لەلایەکی دیکەوە: بێزالیل سمۆتریچ، وەزیری دارایی ئیسرائیل ڕایگەیاند، چەندین جار داوای لکاندنی کەناراوەکانی ڕۆژئاوام کردووە و ئەو ڕۆژانە تەواو بوون کە بەریتانیا و وڵاتانی دیکە داهاتووی ئێمە دیاری بکەن، تاکە وەڵام بۆ ئەم هەنگاوەی کە دژی ئیسرائیلە، لکاندنی کەناری ڕۆژئاوایە بە ئیسرائیل.