ئەڵمانیا بە مەرج دان بە دەوڵەتی فەڵەستین دەنێت

ئاڤا نیوز

لەبارەی ناساندنی دەوڵەتی فەڵەستین، ئەڵمانیا هەڵوێستی خۆی ئاشكرا دەکات و دەڵێت، پێویستە لە ئەنجامی دانوستانەکانەوە بێت و تا ئەو کاتەی ئیسرائیل و فەڵەستینییەکان دانوستان بۆ چارەسەری دوو دەوڵەتی نەکەن ئەڵمانیا دان بە دەوڵەتی فەڵەستین نانێت.

وێنە  گەورەکە: هەر یەکە لە سعوودیە و فەرەنسا هاوسەرۆکایەتیی یەکێک لە کۆبوونەوەی کۆمەڵەی گشتیی نەتەوەیەکگرتووەکان دەکەن کە تایبەت کراوە بە چارەسەری دوو دەوڵەتی بۆ ئیسرائیل و فەڵەستین، لەم کۆبوونەوەیەدا چەندین وڵات بە فەرمی دان بە دەوڵەتی فەڵەستیندا دەنێن لەوانەش ئەندۆرا، ئوسترالیا، بەلجیکا، کەنەدا، پورتوگال، بەریتانیا.

زانیاریی بەدەستهاتوو: یۆهان وادێفول، وەزیری دەرەوەی ئەڵمانیا ڕایگەیاند، بۆ بەرلین داننان بەدەوڵەتی فەڵەستین لە کۆتایی پرۆسەکەدا دێت، دەبێت ئەو پرۆسەیە لە ئێستاوە دەست پێبکات، پێویستە ئیسرائیل و فەڵەستینییەکان دانوستان بۆ چارەسەری دوو دەوڵەتی بکەن دواتر ئەڵمانیا دان بە دەوڵەتی فەڵەستین دەنێت.