ئاڤای خەڵک؛ لە گوندی سەرانەی سنووری ڕواندز، هیچ هێڵێکی پەیوەندیکردن و ئینتەرنێت نییە

ئاڤا نیوز

چەندین ساڵە دانیشتووانی یەکێک لە گوندەکانی قەزای ڕواند داوای چارەسەری گرفتی نەبوونی شەبەکەی موبایل دەکەن؛ دوای بەدواداچوونی ئاڤا گرفتەکەیان بۆ چارەسەر دەکرێت. 

چیرۆکی سەرەکی: گوندی سەرانی سنووری قەزای ڕواندز تاوەکو ئێستا هیچ هێڵێکی پەیوەندیکردن و ئینتەرنێتی لێ نییە، دانیشتووانی گوندەکە ناچارن بۆ پەیوەندیکردن تەنها ئەو مۆبایلانە بەکاربهێنن کە هیچ مواسەفاتێکیان نییە، ناتوانن لەناو گوندەکەش پەیوەندی بکەن. 

زانیاریی زیاتر: ئەو هاونیشتمانییانەی کە لەوێ دەژین داوای چارەسەری ئەو گرفتە دەکەن، چونکە دەڵێن هەر شتێک ڕووبدات زۆر بە درەنگەوە دەیزانین بەهۆی نەبوونی شەبەکەوە. 

لێدوانی فەرمی: ئەحمەد قادر، قایمقامی ڕواندز لەوبارەیەوە بە ئاڤای ڕاگەیاند: لەگەڵ کۆمپانیایەک ڕێککەوتووین لە ماوەیەکی نزیکدا هێڵی پەیوەندی و ئینتەرنێتیان بۆ دابین دەکەین، کارەکە تەنها لەسەر کات ماوە، هەموو ڕێکارەکان تەواو بوون.