بەشە خۆراکی شەشەم و بەشە ئاردی هەشتەم دابەش دەکرێت

ئاڤا نیوز

کۆگاکان ئارد و بەشەخۆراکی مانگانە ڕەوانەی بریکارەکان دەکەن و لەم هەفتەیە هاونیشتمانیان هەردووکیان وەردەگرن.

وێنە گەورەکە: پسوولەی خۆراک بە ئەلیکترۆنی کراوە ئەو خێزانانەی کە تاوەکو ئێستا پسوولەی خۆراکیان بە ئەلیکترۆنی نەکردووە، یان درەنگ ناوی خۆیان تۆمارکردووە لە بەشە خۆراک و بەشە ئاردی مانگانە بێبەش دەبن، تاوەکو ناویان دەچێتە نێو سیستمەکە و ناویان لە لیستی نوێی مانگانە تۆماردەکرێت.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی؛ بە ئاڤای وت، دوو ڕۆژە بەشە ئاردی هەشتەم گەیشتووە بە بریکارەکان و بەشە خۆراکی شەشەمیش لیستەکان ئامادەکراون و لەم ڕۆژانە دەگاتە بریکارەکان و دەست بە دابەشکردنی دەکرێت.

ئەمەش بزانە: بەشە خۆراكی شەشەم پێكهاتووە لە برنج، شەكر، زەیت، دۆشاوی تەماتە و پاقلەمەنییەكان، ئێستا گەیشتووە بە کۆگاکانی خۆراک و لەم هەفتەیە بەسەر بریکارەکاندا دابەش دەکرێت.