ئەنجوومەنی وەزیرانی کوردستان گفتوگۆ لەبارەی دوو تەوەری تایبەت بە پرسی مووچە دەکات

ئاڤا نیوز

 

ڕۆژی چوارشەممە ئەنجوومەنی وەزیرانی کوردستان بەسەرپەرشتیی سەرۆکوەزیران مەسرور بارزانی کۆدەبێتەوە و گفتوگۆ لەبارەی دوو تەوەری تایبەت بە پرسی مووچە دەکرێت، ئەوانیش نەوت و داهاتی ناوخۆ.

زانیاریی تایبەت: بەگوێرەی زانیارییەکانی ئاڤا بڕگەی یەکەمی کارنامەی کۆبوونەوەکە لەسەر ڕێککەوتنامەی سێقۆڵی حکومەتی هەرێمی کوردستان و حکومەتی عێراق و فیدراڵ و کۆمپانیاکانی نەوت دەبێت تایبەت بە پرسی هەناردەکردنی نەوت.

ئەوەی پێویستە بیزانیت: ئەم بڕگەیە لەلایەن شاندی دانوستانکار دەخرێتە بەردەم ئەنجوومەنی وەزیران. لە بڕگەی دووەمدا شاندی دانوستانکار دوایین پێشهاتەکانی پۆلێنکردنی داهاتە نانەوتییەکان و دەستنیشانکردنی بەشی گەنجینەی فیدراڵی دەخاتە بەردەم ئەنجوومەنی وەزیران.

ئەو مانایەی دەیگەیێنێت: واتا گفتوگۆ لەسەر وەڵامی ئەنجوومەنی دەوڵەت دەکرێت لەبارەی دابەشکردنی داهاتی نانەوتی، ئەنجوومەنی وەزیرانی کوردستان بەفەرمی هەڵوێستی خۆی لەمبارەیەوە دەردەبڕێت.