لە ساڵیادی ڕیفراندۆمدا گەورەترین چالاکی  و نمایشی ئاڵای کوردستان دەکرێت

 ئاڤا نیوز

نوسینگەی هەولێری دەزگای گشتیی پاراستنی ئاڵای کوردستان لە ساڵیادی ڕیفراندۆمی سەربەخۆیی کوردستاندا گەورەترین چالاکی هونەری و نمایشکردنی ئاڵای کوردستان لە شاری هەولێر ئەنجام دەدات.

لێدوانی فەرمی: هەیفا جاف، بەرپرسی نوسینگەی هەولێری دەزگای گشتیی پاراستنی ئاڵای کوردستان بە ئاڤا میدیای ڕاگەیاند، کاتژمێر 9:30ی بەیانیی ڕۆژی پێنجشەممە لە پارکی ئاڵای شەقامی 120 مەتریی هەولێر لەڕێگەی مووسڵ بە بۆنەی ساڵیادی ڕێفراندۆمی سەربەخۆیی کوردستان گەورەترین نمایشی ئاڵای کوردستان دەکرێت.

هەیفا ئاماژە بە چەند چالاکییەکی هونەری، وەک خوێندنەوەی شیعر و وتنەوەی سروود و گۆرانی جۆراوجۆر دەکات لەگەڵ نمایشکردنی 60 چەتری ئاڵای کوردستان.

ئەوەی پێویستە بیزانیت: دەزگای گشتیی پاراستنی ئاڵای کوردستان لە ساڵی 2007 دامەزراوە، تاوەکو ئێستا 28 چالاکیی تایبەت بە ئاڵای کوردستان و بۆنە نەتەوەییەکانیان لە شار و شارۆچکەکانی هەرێمی کوردستان ئەنجامداوە، بە ئامانجی خزمەتی زیاتری پرسە نەتەوەیی و نیشتمانییەکان.

باکگراوند: ڕیفراندۆمی سەربەخۆیی کوردستان لە 25ـی 9ـی 2017 بەڕێوەچوو، ئەوکاتە نزیکەی 93%ـی خەڵکی کوردستان بە بەڵێ دەنگیان بۆ سەربەخۆیی کوردستان دا.