لە سلێمانی چوار تیکتۆکچی دەستگیر دەکرێن

ئاڤا نیوز

 

ئەمڕۆ چوارشەممە هێزە ئەمنییەکانی سلێمانی چوار تیکتۆکچیان بە تۆمەتی بابەتی ناوزڕاندن و لادان لە بەها کۆمەڵایەتییەکان دەستگیر کرد.

لێدوانی فەرمی: سەرکەوت ئەحمەد، وتەبێژی پۆلیسی سلێمانی، بە ئاڤا میدیای ڕاگەیاند، ئەو تیکتۆکچیانە لەلایەن پۆلیس دەستگیر نەکراون بەڵکو لەلایەن هێزە ئەمنیەکانی دیکەوە دەستگیر کراون و نەهێنراونەتە بنکەکانی پۆلیس.

 

لەلایەکی دیکەوە: چۆمان مەحموود، پەیامنێری ئاڤا، ڕایگەیاند، دوو لە تیکتۆکچییەکان لەسەر بابەتی ناوزڕاندن دەستگیر کراون و دوو کەسەکەی دیکە لەسەر لادان لە بەها کۆمەڵایەتییەکان دەستگیر کراون، تیکتۆکی هەر چوار کەسە داخراوە و لێکۆلینەوەیان لەگەڵ دەکرێت. 

 

زانیاریی زیاتر: دوو لە تیکتۆکچییەکان لە لایڤی ڕاستەوخۆ هەڕەشەیان لە کەسانی ناسراو کردووە کە وێنەی نەشیاویان بڵاو دەکەنەوە.

 

ئەوەی پێویستە بیزانیت: تا ئێستا ناو و ناسنامەی ئەو تیکتۆکچییانە نەزانراوە.