ئەو پێنج عێراقییەی بەهۆی هاوسۆزیان بۆ حەسەن نەسروڵڵا لە سعودیە دەستگیرکرابوون، گەڕێنرانەوە بەغدا

ئاڤا نیوز

 

دوای دەستگیکردنیان بۆ ماوەی نزیکەی ساڵێک لە شانشنی سعوودیە، پێنج هاووڵاتیی عێراق ئەمڕۆ چوارشەممە گەیشتنەوە بەغدا.

 

چیرۆکی سەرەکی: ژمارەیەک هاووڵاتیی عێراق لە سعوودیە لە سەردانێکیان لەگەڵ کەسوکاریان بۆ ئەنجامدانی عومرە لە شاری مەککە ساڵێک لەمەوبەر کە هاوکات بوو لەگەڵ ڕۆژی کوژرانی حەسەن نەسروڵڵا، ئەمینداری پێشووتری حیزبوڵڵای لوبنان، ئەو گەنجانە لە تۆڕە کۆمەڵایەتییەکان هاوسۆزیی خۆیان بۆ ناوبراو دەردەبڕن، بەو هۆیەوە 11 مانگ دەخرێنە زیندانەوە.

 

ئەوەی پێویستە بیزانیت: سوودانی ئێوارەی دوێنێ سێشەممە، شاندێکی ڕەوانەی ڕیازی پایتەختی سعوودیە کرد، بە سەرۆکایەتیی ئیحسان عەوادی، بەڕێوەبەری نووسینگەکەی. حکومەتی سعودیە ئەو هاووڵاتیانەی ڕادەستی شاندی عێراق کردەوە و ئەمڕۆ چوارشەممە بە فڕۆکەیەکی تایبەت گەڕێنرانەوە بەغدا.

 

ڕاگەیێنراوی فەرمی: نووسینگەی محەممەد سوودانی، سەرۆکوەزیرانی عێراق ڕایگەیاند، شاندی فەرمیی عێراق بە سەرۆکایەتیی بەڕێوەبەری نووسینگەی سەرۆکوەزیرانی عێراق، یاوەری ئەو هاووڵاتیانە عێراقیانەی کرد لە گەڕانەوەیان بۆ بەغدا ئەمەش دوای ئازادکردنیان لەلایەن دەسەڵاتدارانی سعودیە.