لە هەرێمی کوردستان بەشێکی حوکمدراوان بە لە سێدارەدان داوادەکەن هاوسەرگیری بکەن

ئاڤا نیوز

بەڕێوەبەرایەتی گشتیی چاکسازییەکانی هەرێمی کوردستان پێشنیازێکی خستووەتە بەردەم ئەنجوومەنی شورای هەرێمی کوردستان، بۆ ئەوەی ڕێگە بە هاوسەرگیری هەندێک زیندانی چاکسازییەکانی هەرێمی کوردستان بدەن کە فەرمانی لەسێدارەدانیان هەیە.

وێنە گەورەکە: لە چاکسازییەکانی هەرێمی کوردستان 512 زیندانی هەن کە فەرمانی لەسێدارەدانیان هەیە، بەشێکیان پێشووتر لەسەر کوشتنی هاوسەرەکانیان زیندانی کراون، ئێستا داوای ڕێگەپێدان بۆ ئەنجامدانی پرۆسەی هاوسەرگیری دەکەن.

لێدوانی فەرمی: ئیحسان عەبدولڕەحمان، بەڕێوەبەری گشتیی چاكسازییەكانی هەرێمی كوردستان؛ بە ئاڤای گوت، "لە کۆبوونەوەیەکدا لەگەڵ ئەنجوومەنی شورا، کە دەستەی سەربەخۆی مافی مرۆڤ و یەکێتی زانایان ئامادەبوون، پێشنیازەکەمان خستووەتە ڕوو، چوار بۆ پێنج کەیسن و چاوەڕێین ئەنجوومەنی شورا یەکلاییان بکاتەوە.

زانیاریی زیاتر: بەگوتەی بەڕێوەبەری گشتی چاكسازییەكانی هەرێمی كوردستان لەنێو ئەو كەسانەی كە داوای ڕێگەپێدان دەكەن، حاڵەت هەیە، ژنەكە داوای هاوسەرگیری لەگەڵ ئەو كەسە دەكات كە پێشووتر مێردەكەی كوشتووە و بەو هۆیەوە ئێستا لە زیندانە.