پزیشکیان: ئێران چەکی ئەتۆمی ناوێت

ئاڤا نیوز

سەرۆککۆماری ئێران هەڵوێستی وڵاتەکەی سەبارەت بە چەکی ئەتۆم ئاشکرا دەکات و دەڵێت، "ئێران هیچکات بەدوای دروستکردنی بۆمبی ئەتۆمییەوە نەبووە و ناشبێت."

چیڕۆکی سەرەکی: لە ژێر دروشمی "پێکەوە باشترین" ڕۆژانی 23 بۆ 29 ئەیلوول 2025 کۆبوونەوەی کۆمەڵەی گشتیی نەتەوەیەکگرتووەکان لە بارەگای سەرەکی لە نیویۆرک هەشتاهەمین خولی خۆی ئەنجام دەدات.

لێدوانی فەرمی: مەسعود پزیشکیان، سەرۆککۆماری ئێران، لە وتەیەکیدا لە کۆبوونەوەی کۆمەڵەی گشتیی نەتەوەیەکگرتووەکان، ڕایگەیاند "من جارێکی دیکە لە بەردەم ئەم ئەنجوومەنە ڕایدەگەیێنم کە ئێران هیچکات بەدوای دروستکردنی بۆمبی ئەتۆمییەوە نەبووە و ناشبێت."

زانیاریی زیاتر: ئەم لێدوانەی پزیشکیان لە کاتێکدایە کە ئەمساڵ ئیسرائیل هێرشی کردە سەر ئێران، ئەمریکا وێستگە ئەتۆمییەکانی بۆردومان کرد و یەکێتیی ئەوروپاش سزای بەسەردا سەپاندووە.

ئەمەش بزانە: بەرپرسانی ئێران پێشتریش چەندینجار ڕەتیان کردووەتەوە کە چەکی ئەتۆمییان بوێت و تەنانەت فەتوای حەرامکردنی هەوڵدان بۆ دروستکردن، هەبوون و بەکاربردنی چەکی ئەتۆمییان داوە.