سەرۆکی پێشووتری فەرەنسا سزای پێنج ساڵ زیندانیکردنی بەسەردا سەپێنرا

ئاڤا نیوز 

نیکۆلا سارکۆزی، سەرۆکی پێشووتری فەرەنسا، ئەمڕۆ پێنجشەممە بە پێنج ساڵ زیندانیکردن سزا درا ئەمەش بەتۆمەتی وەرگرتنی پارە لە موعەممەر قەزافی، سەرۆکی پێشووی لیبیا.

 

هۆکارە زانراوەکان: هۆکاری سەپاندنی ئەو سزا پێنج ساڵییە بەسەر نیکۆلا سارکۆزی بۆ ئەوە دەگەڕێتەوە ناوبراو بە تاوانی پیلانی تاوانکاری تاوانبار کرا بۆ هەوڵی یاریدەدەرە نزیکەکانی بۆ وەرگرتنی پارە بۆ کەمپەینی هەڵبژاردنی سەرۆکایەتی ساڵی 2007ی لە لیبیا لە سەردەمی موعەمەر قەزافی، سەرۆکی ئەوکاتی لیبیا.

 
زانیاریی بەدەستهاتوو: نیکۆلا سارکۆزی، تەمەن 70 ساڵ، لە مانگی یەکی ئەمساڵەوە دادگایی دەکرێت، دادگا ناوبراوی بە تاوانی پیلانی تاوانکاری لە نێوان ساڵانی 2005 بۆ 2007 تاوانبار کرد.

 

ئەوەی پێویستە بیزانیت: ساڵی ڕابردوو، بەرزترین دادگای فەرەنسا بڕیاری تاوانبارکردنی ناوبراوی بۆ گەندەڵی پشتڕاست کردەوە و فەرمانی پێکرد ساڵێک قۆڵبەندێکی ئەلیکترۆنی لەپێ بکات، کە ئەمە یەکەم جارە بۆ سەرۆکێکی پێشووی فەرەنسا بڕیاری وا دەبچێت و ئێستا قۆڵبەندەکە لادراوە.

 

باکگراوند: نیکۆلا سارکۆزی 23 یەمین سەرۆکی فەرەنسا بوو کە لە ساڵی 2007 تا 2012  سەرۆک بوو.