مەحموود عەباس بە ڤیدیۆ بەشداریی لە کۆبوونەوەی نەتەوە یەکگرتووەکان کرد

ئاڤا نیوز

مەحموود عەباس، سەرۆکی دەسەڵاتی فەلەستین، لە ڕێگەی ڤیدیۆوە وتارێکی لە کۆبوونەوەی کۆمەڵەی گشتی نەتەوەیەکگرتووەکان پێشکەش کرد.

چیرۆکی سەرەکی: بەهۆی ئەوەی ئەمریکا ڤیزای بە مەحموود عەباس نەدا، بۆیە نەیتوانی بچێتە نیویۆرک و لەوێ وتارەکەی پێشکەش بکات.

لێدوانی فەرمی: مەحموود عەباس لە وتارەکەیدا گوتی، "هێرشەکەی حەماس لە ساڵی 2023 بۆ سەر ئیسرائیل ڕەتدەکەینەوە" و گوتیشی دوای کۆتایی هاتنی جەنگ حەماس هیچ ڕۆڵێکی لە حکومەتی داهاتووی کەرتی غەززەدا نابێت و دەبێت چەکەکانی ڕادەست بکات.

زانیاریی زیاتر: سەرۆکی دەسەڵاتی فەلەستین داوای لە ئیسرائیل کرد کۆتایی بە بەکارهێنانی "برسییەتی وەک چەک" بهێنێت و گوتیشی فەلەستینییەکان لە کەرتی غەززە ڕووبەڕووی "جینۆساید، وێرانکاری، برسیکردن و ئاوارەبوون" لەسەر دەستی ئیسرائیل بوونەتەوە.