نەتانیاهۆ: کۆتایی بە میلیشیاکانی عێراق دەهێنین

ئاڤا نیوز

ئیسرائیل هەڕەشەی لەناوبردنی میلیشیاکانی عێراق دەکات، نەتانیاهۆ دەڵێت، کۆتایی بەو گرووپانە دەهێنین.

وێنە گەورەکە: ئیسرائیل دەیەوێت بەتەواوەتی توانای سەربازی ئێران لە ناوببات بۆئەوەی خۆی و میلیشیا نزیکەکانی ئەو وڵاتە لە عێراق نەبنە مەترسی لەسەر بوونی دەوڵەتەکەی.

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند، بەرنامەی ئەتۆمی و بەرنامەی مووشەکی نەک مەترسین لەسەر ئیسرائیل، بەڵکو مەترسین بۆ سەر ئەمریکاش.

نەتەنیاهۆ وتیشی، نیوەی سەرکردەی حووسییەکان لە ناوچوون، یەحیا سینوار و حەسەن نەسروڵڵا، ڕژێمی ئەسەد و زانا و بەرپرسە باڵاکانی ئێران لە ناوچوون و ئەو میلیشیایانەی لە عێراق کە ئێستا ڕاگیراون ئەگەر سەرکردەکانیان هێرش بکەنە سەر ئیسرائیل ئەوا ئەوانیش لەناودەچن.

زانیاریی زیاتر: نەتانیاهۆ جەختی لەوەشکردەوە، نابێت ڕێگە بە ئێران بدەین توانا ئەتۆمییە سەربازییەکانی بونیادبنێتەوە. دەبێت کۆگاکانی ئێران لە یۆرانیۆمی پیتێنراو لەناو ببرێن، سبەی دەبێت سزاکانی ئەنجوومەنی ئاسایشی نەتەوەیەکگرتووەکان بۆ سەر ئێران یەکلا بکرێنەوە.

لەلایەکی دیکەوە:  هۆشداریدایە بزووتنەوەی حەماس و پێی وتن ئێستا چەکەکانتان دابنێن و بارمتەکان ئازاد بکەن، ئێمە باوەڕمان بە دروستکردنی دوو دەوڵەت هەیە، بەڵام فەڵەستینییەکان ئەمەیان ناوێت.