پەیامێکی تووند لە عێراقەوە بۆ نەتانیاهۆ: قبووڵکراو نییە

ئاڤا نیوز

جێگری سەرۆکوەزیرانی عێراق ڕایگەیاند، هەڕەشەکەی ئەمڕۆی سەرۆکوەزیرانی ئیسرائیل ڕەتدەکەنەوە و بەلامانەوە قبووڵکراو نییە، جەختیش دەکاتەوە لەوەی هێرشکردنەسەر هەر عێراقییەک وەک هێرش بۆسەر هەموو عێراق لەقەڵەم دەدرێت.

چیرۆکی سەرەکی: ئەمڕۆ هەینی بنیامین نەتانیاهۆ، سەرۆکوەزیرانی ئیسرائیل لە کۆبوونەوەی نەتەوەیەکگرتووەکان هەڕەشەی لەناوبردنی میلیشیاکانی عێراقی کرد و ڕایگەیاند، "ئەو میلیشیایانەی عێراق کە ئێستا ڕاگیراون ئەگەر سەرکردەکانیان هێرش بکەنە سەر ئیسرائیل، ئەوا ئەوانیش لەناودەچن".

لێدوانی فەرمی: د. فوئاد حوسێن، جێگری سەرۆکوەزیران و وەزیری دەرەوەی عێراق لە نیویۆرک کۆنفرانسێکی ڕۆژنامەنووسی ئەنجامدا و لە وەڵامی پرسیارێکدا کە هەڵوێستی بەغدا لەسەر قسەکانی ئەمڕۆی بنیامین نەتانیاهۆ چییە؟ وتی، "ئەم جۆرە لێدوانانە ڕەتکراوەن و قبووڵکراو نین، هێرشیش بۆسەر هەر عێراقییەک هێرشە بۆسەر هەموو عێراق".