سێنتکۆم داوا لە وڵاتان دەکات هاووڵاتیانیان لە سووریا بگەڕێننەوە

ئاڤا نیوز

فەرماندەی ناوەندی ئەمریکا (سێنتکۆم) داوا لە وڵاتان دەکات کە هاوڵاتییە ئاوارە و دەستگیرکراوەکانیان لە باکووری ڕۆژهەڵاتی سووریا بگەڕێننەوە، بەتایبەتی ئەوانەی لە کەمپەکانی وەک هۆل و ڕۆژن.

وێنە گەورەکە: بە هەزاران کەس لە کەسوکاری ئەندامانی داعش لە ناو کەمپی هۆل و ڕۆژ ڕاگیراون و لەسەر ئاستی نێودەوڵەتیش کاردەکرێت بۆ گەڕاندنەوەیان بۆ وڵاتەکانیان.

لێدوانی فەرمی: براد کووپەر، فەرماندەی فەرماندەیی ناوەندی ئەمریکا (سینتکۆم) ڕایگەیاند، جەخت لەسەر خێراکردنی پڕۆسەی گەڕاندنەوەی دەستگیرکراوان و ئاوارەکان بۆ وڵاتەکانیان دەکەینەوە و پلانمان هەیە بۆ گەڕانەوەی ئەو کەسانە میکانیزمێکی نوێی هاوبەشی هەماهەنگی دروست بکەین.

زانیاریی زیاتر: بەگوتەی کووپەر، گەڕاندنەوەی ئەو کەسانە ڕێگەیەکە بۆ کەمکردنەوەی مەترسی کاریگەری گرووپە توندڕەوەکان، بەتایبەتی لەسەر ژنان و منداڵان.

ئەمەش بزانە: ژمارەی دانیشتووانی کەمپەکانی هۆل و ڕۆژ لە ساڵی 2019 نزیکەی 70 هەزار کەس بوو، بەڵام ئێستا دابەزیوە بۆ کەمتر لە 30 هەزار کەس.