ئێران: لە ڕووی یاساییەوە هەوڵەکانی ئەوروپا لە دژی ئێمە پووچەڵن

ئاڤا نیوز

پڕۆژەبڕیاری ڕووسیا و چین بۆ دواخستنی دووبارە سەپاندنەوەی سزاکانی سەر ئێران لە ئەنجوومەنی ئاسایشی نەتەوەیەکگرتوەکان دەنگی پێویستی بەدەستنەهێنا و وەزیری دەرەوەی ئێرانیش دەڵێت، ئەم پڕۆژەبڕیارە ڕەنگدانەوەی هەوڵێک بوو بۆ دووبارە کردنەوەی ڕێگەی دیپلۆماسی.

چیرۆکی سەرەکی: هەریەکە لە ڕووسیا و چین پڕۆژەبڕیارێکیان سەبارەت بە دواخستنی دووبارە سەپاندنەوەی سزاکان لەسەر ئێران لە ئەنجوومەنی ئاسایشی نەتەوەیەکگرتووەکان خستە دەنگدانەوە، بەڵام دەنگی پێویستی نەهێنا و ڕەت کرایەوە.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند، ئەم پڕۆژەبڕیارە ڕەنگدانەوەی هەوڵێک بوو بۆ دووبارە کردنەوەی ڕێگەی دیپلۆماسی. 

عەباس عێراقچی ئەمانەشی وت:

٠ ئێران ماوەیەکی زۆرە ئەندامی ڕێکخراوی نەهێشتنی چەکی ئەتۆمی بووە و ئێمە مافی ڕەوای وزەی ئەتۆمی ئاشتیانەمان دەویست و دوانزە ساڵ لەمەوبەر پابەند بووین بە چارەسەری پرسی ئەتۆمی و ڕێککەوتننامەی ئەتۆمی بەدیهات.

٠ ئێستا پشکنەرانی ئاژانسی ئەتۆمی لە ئێرانن و سەردانی شوێنەکانمان دەکەن. هەموو شتێک بە پێی ئەوەی لەگەڵ ئاژانسی وزەی ئەتۆمی ڕێککەوتم بەردەوامە. 

٠ هەرگیز بۆ گوشارەکانی سەر بەرنامە ئەتۆمییەکەمان ملکەچ نابین.