لە سۆران بەردی بناغەی چەند پرۆژەیەک دادەنرێن

ئاڤا نیوز 

بە سەرپەرشتی ئیدارەی سەربەخۆی سۆران، بەردی بناغەی دوو پرۆژە دانران، لە چەند ڕۆژی داهاتووش بەردی بناغەی چەند پرۆژەیەکی گرنگ لە سۆران دادەنرێن.

ئەوەی پێویستە بیزانیت: ئەمڕۆ سێشەممە دووی نیسانی 2024،  لەسەر ڕاسپاردەی سەرۆکوەزیران  بارزانی بەردی بناغەی  دروستکردنی پڕۆژەی شەقامێکی سەرەکی لە گوندی کەورین دانراو تۆری ئاویشی بۆ دروستکرا.

لێدوانی فەرمی: هەڵگورد شێخ نەجیب، سەرپەرشتیاری ئیدارەی سەربەخۆی سۆران بە ئاڤا نیوزی ڕاگەیاند: "ئەمڕۆ بەردی بناغەی دوو پرۆژە گوندی کەورین دانرا، یەکێکیان  قیرکردنی شەقامێکی سەرەکی گوندەکە بوو بە گوژمەی 726 ملیۆن دینار و ئەوی دیکە دانانی تۆری ئاوبوو بۆ گوندەکە بە گوژمەی 245 ملیۆن دینار.

زانیاریی زیاتر: بڕیارە لەم هەفتەیە بەردی بناغەی چەندین پرۆژەی دیکەی گرنگ لە ئیدارەی سەربەخۆی سۆران دابنرێن.