بۆ عاشقانی زنجیرە دراماکان؛ زینجیرەیەک لەسەر ژیانی موسۆلینی بەرهەم دەهێنرێت

ئاڤا نیوز

جوو ڕایت، دەرهێنەری بەریتانی بەناوبانگ، نوێترین بەرهەمی خۆی، زنجیرە درامای "موسۆلینی: کوڕی سەدە" (Mussolini: Son of the Century) بڵاوکردەوە. ئەم زنجیرە مێژووییە کە باس لە ژیاننامەی بێنیۆتۆ موسۆلینی، سەرکردەی فاشیستی ئیتاڵیا دەکات، ئێستا لە پلاتفۆڕمی ستریمینگی موبی (MUBI) بەردەستە و هەر هەفتەیەک ئەڵقەیەکی نوێی لێ بڵاودەبێتەوە.

 

ئەوەی پێویستە بیزانیت: زنجیرەکە تیشک دەخاتە سەر قۆناغەکانی ژیانی موسۆلینی لە دوای ساڵی 1925ەوە، کاتێک دەسەڵاتی خۆی لە ئیتاڵیا قایم کرد، تاوەکوو کۆتایی هاتنی حوکمڕانییەکەی. بینەران بەهۆی ئەو زینجیرەوە دەتوانن وردەکارییەکانی ژیانی هەڵبەز و دابەزی یەکێک لە کاریگەرترین کەسایەتییەکانی سەدەی بیستەم ببینن. جوو ڕایت، کە بە کارە ناوازەکانی وەک  (Atonement) و (Pride & Prejudice) ناسراوە، بە شێوازێکی تەکنیکی بەرز و ناوازە کاری دەرهێنانی بۆ ئەو زنیجرەیە کردووە.

 

ئەمەش بزانە: بۆ ئەو کەسانەی ئارەزووی دراما مێژووییەکان و تێگەیشتن لە لایەنە تاریکەکانی مێژووی مرۆڤایەتی دەکەن، "موسۆلینی: کوڕی سەدە" دەرفەتێکی نایابە. زنجیرەکە وێنەیەکی گشتگیر لە کەسایەتیی و بڕیارەکانی موسۆلینی پێشکەش دەکات کە کاریگەرییەکی گەورەیان لەسەر ئیتاڵیا و جیهان هەبوو.

 

زانیاریی زیاتر: پێش ئەوەی موسۆلینی ببێتە سیاسەتمەدارێکی دیار و سەرکردەی ئیتاڵیا، لە بواری ڕۆژنامەنووسیدا کاری کردووە. ئەو سەرنووسەری چەندین ڕۆژنامەی کاریگەر بووە لە ئیتاڵیا.