ڤیان مەحموود زامدار کتێبێکی شیعر بڵاودەکاتەوە

ئاڤا نیوز

د. ڤیان مەحموود زامدار کچی نووسەر و شاعیری دیاری کورد کۆچکردوو، مەحموود زامدار کتێبێکی شیعر بە ناوی "زامدار" بڵاودەکاتەوە.

چیرۆکی سەرەکی: کتێبی شیعری "زامدار" 33 تێکستی شیعری لەخۆگرتووە و لە 72 لاپەڕە پێکهاتووە، ئەم کتێبە لە نووسینی د.ڤیان مەحموود زامدارە، کتێبەکە ئێستا چاپکراوە و کەوتووەتە بەر دەستی خوێنەران، کتێبەکە لەلایەن وەزارەتی ڕۆشنبیری و لاوانی حکومەتی هەرێمی کوردستان ژمارەی سپاردنی پێدراوە.

لێدوانی فەرمی: د. ڤیان مەحموود زامدار، نووسەری کتێبی شیعری"زامدار" بە ئاڤای گوت: وەک وەفاداری بۆ باوکم ناوی زامدارم بۆ کتێبەکەم هەڵبژارد، ئەوە یەکەم بەرهەمی منە. هەندێک شیعرەکان کۆنن و زۆربەیان لە ساڵی 2025 نووسیومە.

شیعرەکانم بەشێکیان کێش و سەروایان هەیە، هەندێکیشیان شیعری ئازادن، بابەتەکان هەمەچەشنن، بەڵام لە ڕووی ناوەڕۆکەوە ڕەنگدانەوەی ژیانن.

ئەوەی پێویستە بیزانیت: د. ڤیان مەحموود زامدار لە ڕووی ئەکادیمیەوە پسپۆرە لە بواری شیعر و کچی نووسەر و شاعیر دیاری کورد مەحموود زامدارە.