وادەی ڕاگەیاندنی پرۆژەی ئاوی گۆپتەپە - چەمچەماڵ ڕاگەیێنرا

ئاڤا نیوز

 

كاركردن له‌ پرۆژەی گەورەی ئاوی گۆپته‌په‌ - چه‌مچه‌ماڵ به‌رده‌وامه و لە ئێستادا به‌ ڕێژه‌ی زیاتر له‌ 20%ی كاره‌كانی ته‌واو كراون. پرۆژەکە بە گوژمەی 114 ملیار دینار جێبەجێ دەکرێت و بڕیارە له‌ ماوه‌ی ساڵێكدا سه‌رجه‌م كاره‌كانی ته‌واو بكرێن.

وێنە گەورەکە: پڕۆژه‌ی ئاوی گۆپته‌په - چه‌مچه‌ماڵ، یه‌كێكه‌ له‌ پڕۆژه‌ گەورەکانی حكومه‌تی هه‌رێمی كوردستان‌ له‌ بواری ئاوی خواردنه‌وه‌دا، ئامانج لێی چاره‌سه‌ركردنی گرفتی له‌مێژینه‌ی كه‌مئاوییە له‌ چه‌مچه‌ماڵ و قه‌زا و ناحیه‌ و گونده‌كانی سنووره‌كه‌.

لێدوانی فەرمی: ئه‌ندازیار ئاری ئه‌حمه‌د، به‌ڕێوه‌به‌ری گشتیی ئاو و ئاوه‌ڕۆی وه‌زاره‌تی شاره‌وانی و گه‌شتوگوزار، له‌ باره‌ی بەڕێوه‌چوونی كاره‌كانی پڕۆژه‌كه‌ ڕایگه‌یاند: "كاركردن له‌ پڕۆژه‌ی ئاوی گۆپته‌په ‌- چه‌مچه‌ماڵ به‌رده‌وامه و به‌ ڕێژه‌ی 20%ی كاره‌كانی ته‌واو كراون‌ و بڕیاریشه‌ له‌ ماوه‌ی ساڵێكدا ته‌واو بكرێت.

 

ئەوەی پێویستە بیزانیت: گوژمه‌ی پڕۆژه‌كه‌ 114 ملیار دیناره‌ و له‌لایه‌ن حكومه‌تی هه‌رێمی كوردستانه‌وه‌ دابین ده‌كرێت. پڕۆژه‌كه‌ توانای به‌رهه‌مێنانی 81٫600 مەتر سێجا ئاوی خاوێنی لە ڕۆژێکدا (بەشی یەکەم) هه‌یه‌ و سەنتەری قەزای چەمچەماڵ و ناحیەی ڕزگاری و ئاغجەلەر و دەیان گوندی دەڤەرەکە لە قۆناغی یەکەم لێی سوودمەند دەبن. هەروەها کوالێتیی ئاوی بەرهەمهاتوو بە گوێرەی ستانداردی عێراقی و جیهانی (WHO)، بۆ ئاوی خواردنەوەیه‌ و کەلوپەلی بەکارهاتووش لە بەرزترین ئاست و کوالێتین".