ئۆکراینا سیستمی بەرگریی پاتریۆت لە ئیسرائیل وەردەگرێت

ئاڤا نیوز

ئۆکراینا سیستمی بەرگریی ئاسمانیی پاتریۆتی لە ئیسرائیل وەرگرتووە، کە سیستمێکی گرانبەهای ئەمریکایە و بۆ بەرپەرچدانەوەی هێرشە مووشەکییەکانی ڕووسیا بۆ کیێڤ زۆر گرنگە.

چیرۆکی سەرەکی: دوای چەندین مانگ هەوڵدان، ئۆکراینا توانی یەکێک لە بەهێزترین سیستمە بەرگرییەکانی ئەمریکا لە ئیسرائل وەربگرێت. کە سیستمی پاتریۆتە.

لێدوانی فەرمی: ڤۆلۆدیمێر زێلینسکی، سەرۆکی ئۆکراینا ڕایگەیاند، سیستمی پاتریۆتی ئیسرائیلی مانگێک لەمەوپێش لە ئۆکراینا خراوەتە خزمەت.

زانیاریی زیاتر: پێشتر میدیاکانی ئەمریکا باسیان لەوەکردبوو سیستمی پاتریۆت لە ئیسرائیل نوێ دەکرێتەوە و پاشان ڕەوانەی ئۆکراینا دەکرێت.

ئەوەی پێویستە بیزانیت: بەهۆی بەکارهێنانی درۆنی ئێران و بەهێزکردنی پەیوەندییەکانیان لەگەڵ ئێران، پەیوەندییەکانی نێوان ئیسرائیل و ڕووسیا تێکچووە.

لەلایەکی دیکەوە: زێلینسکی داوای مووشەکی تۆماهۆکی لە دۆناڵد ترەمپ، سەرۆکی ئەمریکا کردووە، کە وەک خۆی وتوویەتی بەو مووشەکە دەتوانن ڕووسیا بهێننە سەر مێزی دانوستانی ئاشتی.