شارەوانیی سلێمانی لەسەر خانووە زیادەڕۆکان هاونیشتمانیان ئاگادار دەکاتەوە

ئاڤا نیوز

 

شارەوانیی سلێمانی هاونیشتمانیانی سنوورەکە لەسەر خانووە زیادەڕۆکان ئاگادار دەکاتەوە و داوایان لێدەکات سەردانیان بکەن و ئەنجامی داواکارییەکانیان وەربگرنەوە. 

 

چیرۆکی سەرەکی: لە ماوەی ڕابردوو هەزاران کەس لە سنووری سلێمانی داواکارییان پێشکەش بە شارەوانییەکانی سلێمانی کردووە تا خانووە زیادەڕۆکانیان تاپۆ بکرێن، داواکارییەکان لە سنووری شارەوانیی ڕۆژهەڵات و ڕۆژئاوا، بەکرەجۆ و ڕاپەڕین، تاسڵوجەی سلیمانین، ئێستا شارەوانیی وەڵامی داواکارییەکانی داوەتەوە.

 

لێدوانی فەرمی: زەردەشت ڕەفیق، وتەبێژی شارەوانیی سلێمانی بە ئاڤای وت: ئەو خانووانە لە 10 ساڵی ڕابردوودا دروستکراون و خاوەنەکانیان داواکاریی تاپۆکردنیان پێشکەش کردووە، دوای کارکردن لەسەر داواکارییەکانیان، دەتوانن لە ڕۆژی سێشەممەوە سەردانی بەشی موڵکایەتیی شارەوانیی سلێمانی بکەن و ئەنجامی داواکارییەکانیان وەربگرنەوە. 

 

ئەوەی پێویستە بیزانیت: شارەوانیی سلێمانی دەڵێت، لەسەر ڕاسپاردەی لیژنەی ناوەندی، وەڵامی کۆتایی و یەکلاکەرەوە لەلایەن لیژنەی باڵای جێبەجێکردن بە یاسای (ژمارە 3 ساڵی 2019ـی هەموارکراو) بڕیاری لەسەردراوە. بڕیاردراوە (بە تاپۆکردن بێت یان بە ڕەتکردنەوەی تاپۆکردن یان بە قەرەبووکردنەوە) دۆسییەکانیان یەکلایی بکرێتەوە.

 

باکگراوند: شارەوانیی سلێمانی لە ماوەی ڕابردوودا چەند جارێک ئەو خاوەن خانووانەی ئاگادار کردووەتەوە کە داواکاریی تاپۆکردنی خانووەکانیان پێشکەش بە شارەوانی کردووە، تاوەکو سەردانی بەڕێوەبەرایەتییەکە بکەن و ئەنجامی داواکرییەکانیان وەربگرنەوە.