پێکهاتەیەکی قاوە سوودی بۆ ماسولکەکان هەیە

ئاڤا نیوز 

قاوە بە یەکەم خواردنەوە دادەنرێت لە جیهاندا ، زۆرێک بە بێ خواردنەوەی رۆژەکەی بە چالاکی دەستپێناکات.

چیرۆکی سەرەکی: لە نوێترین لێکۆڵینەوەدا کە لە ڕۆژنامەی (Nature Metabolism) بڵاوکراوەتەوە، سوودێکی نوێی ئەم خواردنەوە تایبەتە باسکراوە: قاوە سوودی هەیە بۆ ماسولکەکان و هاوکاری پارێزگاریکردنی پێکهاتەی ماسولکە دەدات لە بەتەمەنەکاندا.

زانیاريی زیاتر: ئەو لێکۆڵەرانەی بەشێوەیەکی فەرمی لە پەیمانگای نەستەلە بۆ زانستی تەندروستی لە  سویسرا کاردەکەن، بەشێوەیەکی تایبەت گرنگی بە بەشە دەدەن کە بەبڕێکی زۆر لە قاوەدا هەیە(Trigonelline) کە توانای چالاککردنی کاری (Mitochondria)ی هەیە، ئەویش کارگەی دروستکردنی وزەیە لە خانەکاندا.

ئەمەش بزانە: لێکۆڵینەوە سەردەمییەکان ڕۆشنایی دەخەنە سەر ئەو کەسانەی بەشێوەیەکی رێکخراو قاوە دەخۆنەوە مەترسی توشبوون بە نەخۆشییەکانی (شەکرە، داخورانی ماسولکە و ئەلزەهایمەر)یان کەمترە، بە مەرجێک رۆژانە لە پێنج فنجان قاوە زیاتر نەخۆنەوە و بە شێوەیەکی رێک بەسەر ڕۆژەکەیاندا بەشی بکەن.