وەزیری شارەوانی: کابینەی نۆیەم هەندێک کێشەی هەشتی حەسارۆکی چارەسەر کردووە

ئاڤا نیوز

 

هەرچەندە زەوییەکانی گەڕەکی هەشتی حەسارۆک پێشتر دابەشکرابوون و خزمەتگوزاریشیان بۆ نەبرابوو، بەڵام وەزیری شارەوانی دەڵێت، لەم کابینەیە چەندین پرۆژەیان لە گەڕەکەکە جێبەجێ کردووە.

 

وێنە گەورەکە: زیاتر لە 15 ساڵە نزیکەی 16 هەزار پارچە زەوی لە گەڕەکەکە دابەشکراون، سەرەڕای ئەوەی پێشتر خزمەتگوزارییان بۆ دابین نەکرابوو، بەڵام لەم کابینەیەدا توانرا هەندێک خزمەتگوزاری بۆ گەڕەکەکە دابین بکرێت. 

 

لێدوانی فەرمی: ساسان عەونی، وەزیری وەزیری شارەوانیی هەرێمی کوردستان لە چاوپێکەوتنێکدا لەگەڵ ئاڤا نیوز ڕایگەیاند: “سەرەڕای ئەوەی گەڕەکەکە هیچ ئاوەدانییەکی نییە، بەڵام بە بڕیاری سەرۆکوەزیران بارزانی چەندین پرۆژەی خزمەتگوزاریمان بۆ جێبەجێ کردووە”.

 

ئەوەش بزانە: هەرچەندە حکومەت کێشەی “سیولەی” هەبووە، بەڵام بۆ ئەوەی خزمەتگوزاری بۆ گەڕەکەکە دابین بکرێت، وەزارەتی شارەوانی بەشێک لە زەوییەکانی وەزارەتی فرۆشتووە و بەو پارەیە پڕۆژەی جێبەجێ کردووە. 

 

زانیاریی زیاتر: سەرەڕای بڕیاری تاپۆکردنی زەوییەکان، ئێستا ئەم پرۆژانە لە گەڕەکی هەشتی حەسارۆک جێبەجێکراون: 
- شەقامی 60 مەتری.
- شەقامە نێوخۆییەکانی زۆنی ئەی.
- ئاوەڕۆیێکی سندووقی و ئاوەڕۆیێکی لوولەیی گەورە.