ئاڤای خەڵک؛ دانیشتووانی گوندێکی سەنگەسەر بێبەشن لە خزمەتگوزاری ئینتەرنێت و مۆبایل

ئاڤا نیوز

دانیشتووانی گوندی دووگۆمان لە ناحیەی سەنگەسەری قەزای پشدەر، کە نزیکەی 200 ماڵ لەخۆدەگرێت، بەدەست خراپی تۆڕی پەیوەندی و ئینتەرنێتەوە دەناڵێنن، بە جۆرێک کە پەیوەندیکردنی مۆبایل لەناو ماڵەکانیاندا نزیکی مەحاڵە و بۆ ئەنجامدانی پەیوەندی ناچارن بچنە دەرەوە و تەنانەت سەر بەرزاییەکانیش.

زانیاریی بەدەستهاتوو: دانیشتووانی گوندەکە باس لەوە دەکەن کە خراپی خزمەتگوزارییەکانی پەیوەندی بووەتە کێشەیەکی گەورە لە ژیانی ڕۆژانەیاندا. یەکێک لە ژنانی گوندەکە، بە ئاڤای گوت، "بۆ خاتری خوا حەلێکمان بۆ بکەن، ئەمە ژیان نییە ئێمەی تێداین."

لێدوانی فەرمی: نەهرۆ عەبدوڵڵا، بەڕێوەبەری ناحیەی سەنگەسەر، بە ئاڤای ڕاگەیاند: "پێشتر دانیشتووانی گوندەکە داواکارییان پێشکەش کردووە، ئێمەش نووسراومان بۆ کۆمپانیاکانی مۆبایل و ئینتەرنێت بەرزکردووەتەوە." لە هەوڵداین بۆ چارەسەرکردنی ئەم کێشەیە و گەیاندنی خزمەتگوزاری باشتر بە گوندەکە.