کەنیسەیەک لە ئەمریکا هێرشی کرایە سەر؛ کوژراو و بریندار هەیە

ئاڤا نیوز

لە هێرشێکی چەکداریدا بۆ سەر کەنیسەیەکی کریستیانەکان لە ویلایەتی میشیگانی ئەمریکا کەسێک کوژرا و چەند کەسێکی دیکە بریندار بوون.

چیرۆکی سەرەکی: لە کاتی بەڕێوەچوونی مەراسیمی ئاینیدا لە کەنیسەیەکدا چەکدارێک تەقە لە سەدان بەشداربووی مەراسیمەکە دەکات و دواتر ئاگر لە کەنیسەکە بەردەدات، بەهۆیەوە ژمارەیەک کەس دەبنە قوربانی.

زانیاریی زیاتر: بەهۆی ڕووداوەکە کەسێک گیانی لەدەستداوە و 9 کەسی دیکەش برینداربوون.

لێدوانی فەرمی: ویلیام رێنیێ، سەرۆکی پۆلیسی شارۆچکەی گراند بلانک ڕایگەیاند، چەکدارەکە پیاوێکی تەمەن 40 ساڵانە و خەڵکی شارۆچکەیەکی نزیک لە ڕووداوەکە بووە، بە ئۆتۆمبێلەکەی بە دەرگای پێشەوەی کەنیسەکە لە شارۆچکەی گراند بلانک تێپەڕیوە و پاشان دەستیکردووە بە تەقەکردن لەو خەڵکەی لە کەنیسەکە بوون. دوای ئەنجامدانی هێرشەکە لەلایەن هێزەکانیانەوە کوژراوە، بەڵام تا ئێستا نەزانراوە هۆکاری پشت هێرشەکە چییە.

لەلایەکی دیکەوە: دۆناڵد ترەمپ، سەرۆکی ئەمریکا، ڕایگەیاند، رووداوەکە سامناکە و وا دیارە ئەمە هێرشێکی دیکەی بە ئامانجکراو بێت بۆ سەر کریستیانەکان لە ئەمریکا و پێویستە ئەو ڕووداوە تووندوتیژانە لە وڵاتەکەمان کۆتاییان پێبێت.

ئەمەش بزانە: ئەو ئۆتۆمبێلەی تاوانبارەکە بەکاریهێناوە لەسەر ژمارەکەی بە زمانی ئینگلیزی نوسراوە عێراق.