بە جێبەجێکردنی پڕۆژەی ئاوی خەبات نزیکەی 300 بیری ئاو دەکوژێندرێنەوە

ئاڤا نیوز

پرۆژەیەکی ستراتیژیی ئاو لە سنووری قەزای خەبات جێبەجێ دەکرێت و قایمقامی قەزاکەش دەڵێت، بە تەواوبوونی پڕۆژەکە نزیکەی 300 بیری ئاو دادەخرێن.

وێنە گەورەکە: پڕۆژەی ئاوی خەبات لەسەر بودجەی وەبەرهێنانی وەزارەتی شارەوانی و گەشتوگوزار دروست دەکرێت، بڕی 195 ملیار دیناری بۆ تەرخانکراوە، پڕۆژەکە توانای بەرهەمهێنانی 120 هەزار مەتر سێجا ئاوی هەیە لە ڕۆژێکدا، زیاتر لە 400 هەزار کەس لە سنووری قەزای خەبات و ناحیەکانی ڕزگاری، تۆپزاوە و کەورگۆسک و 40 گوند تاوەکو ساڵی 2050 لێی سودمەند دەبن.

لێدوانی فەرمی: کوێستان ئەحمەد، قایمقامی قەزای خەبات بە ئاڤای ڕاگەیاند: بە جێبەجێکردنی پڕۆژەی ئاوی خەبات نزیکەی 300 بیری ئاو لە سنووری خەبات دەکوژێندرێنەوە و کاریگەری لەسەر بووژانەوەی ئاوی ژێر زەوی دروست دەکات، پڕۆژەکە درێژمەودایە و سوودی زۆری بۆ دانیشتووانی سنوورەکە دەبێت.

زانیاریی زیاتر: بە گوتەی قایمقامی خەبات، پڕۆژەکە 22 کۆگای ئاو لەخۆدەگرێت کە 50 مەتر سێجا دەبێت، هاوکات توانای بەرهەمهێنانی 20 هەزار مەتر سێجا ئاوی خواردنەوەی هەیە لە کاتژمێرێکدا.