ڕێباز حەملان: هێشتا ئاماژەی خەرجکردنی مووچە نەهاتووە

ئاڤا نیوز

ڕێباز حەملان، یاریدەدەری سەرۆکوەزیرانی کوردستان، ڕایگەیاند هێشتا ئاماژەی خەرجکردنی مووچە لە وەزارەتی دارایی عێراقەوە بۆ بانکی ناوەندی نەهاتووە.

چیرۆکی سەرەکی: لە 48 کاتژمێری داهاتوودا ڕێکارەکانی خەرجکردنی مووچەی مانگی حەوت لە بەغدا تەواو دەکرێن، وەزارەتی دارایی کوردستانیش بەمەبەستی هاوکات کردنی لیستی مووچە لەگەڵ مووچەخۆرانی عێراق، میزان موراجەعەی مانگی هەشت و لیستی مووچەی مانگی نۆی ئامادەکردووە و ئەم هەفتەیە ڕەوانەیان دەکات.

لێدوانی فەرمی: ڕێباز حەملان، یاریدەدەری سەرۆکوەزیرانی کوردستان بە ئاڤای ڕاگەیاند، بەهۆی هەبوونی کێشەی سیولە خەرجکردنی مووچە دواکەوتووە، ئەمڕۆ یان سبەی مووچەی مانگی حەوتی فەرمانبەرانی کوردستان خەرج دەکرێت

هەموو ڕێکارەکانی خەرجکردنی مووچە لە بەغدا 10 خولەکی پێ دەچێت، بەڵام ئەمە نەکراوە، دوێنێ وەزارەتی لە دارایی کوردستان کۆبوونەوە کراوە بۆ ئەوەی ئەم هەفتەیە داهاتی مانگی هەشت کۆبکرێتەوە.

زانیاریی بەدەستهاتوو: بەپێی زانیارییەکانی ئاڤا میدیا لێدوانی تەیف سامی کە لەگەڵ بەرپرسێکی باڵای کورد لە بەغدا گفتوگۆی کردووە، ئەم هەفتەیە ڕۆژی سێشەممە یان چوارشەممە پارەی مووچەی مانگی حەوت دەنێرێت.

ئەگەر سێشەممە پارە گەیشت، هەمان ڕۆژ خشتەی دابەشکردنی مووچە بڵاودەکرێتەوە و ڕۆژانی چوارشەممە و پێنجشەممە و هەینی مووچە دابەش دەکرێت هەم بە کاش هەم لەڕێگەی هەژماری من، ئەگەر چوارشەممەش تەواوی پارەکە نێردرا، پێنجشەممە دەستپێدەکات و شەممە کۆتایی دێت.