ترەمپ گلۆپی سەوزی بۆ ئۆکراینا هەڵکرد

ئاڤا نیوز

نێردەی تایبەتی ترەمپ بۆ ئۆکراینا ئاشکرای دەکات، سەرۆکی ئەمریکا نیگەرانە لە کاتکوشتن و نەگەیشتن بە ڕێککەوتن بۆ کۆتاییهێنان بە جەنگی سێ ساڵەی نێوان ڕووسیا و ئۆکراینا. هەر بۆیەش ترەمپ گلۆپی سەوزی بۆ ئۆکراینا داگیرساندووە و ئۆکراینا دەتوانێت ناوجەرگەی ڕووسیا مووشەکباران بکات.

وێنە گەورەگە: سێ ساڵە جەنگی نێوان ڕووسیا و ئۆکراینا بەردەوامە و هەوڵە دیپلۆماسییەکان بەرەو لاوازی دەچن و ئاسۆیەک بۆ کۆتاییهێنان بەو جەنگە بەدی ناکرێت، سەرۆکی ئەمریکا دەیەوێت هەرچی زووە ئاگربەست ڕابگەیێنێت و کۆتایی بەو جەنگە بێنێت.

لێدوانی فەرمی: کیێس کیلۆگ، نێردەی تایبەتی ترەمپ بۆ ئۆکراینا لەمیانی چاوپێکەوتنێکیدا لەگەڵ کەناڵی فۆکس نیوز ڕاگەیاند؛ "واشنتن ڕێگەی بە ئۆکراینا داوە کە بە مووشەکە دوورمەوداکانی ناوجەرگەی ڕووسیا بە ئامانج بگرێت، هاوکات سەرۆکی ئەمریکایش گڵۆپی سەوزی بۆ ئۆکراینا داگیرساندووە کە بە مووشەکە دوورمەوداکانی ناوەڕاستی کیێڤ بە ئامانج بگرێت".

لەلایەکی دیکەوە: ڕاپۆرتی کیێڤ ئیندیپێندینت دەریدەخات؛ دوای کۆبوونەوەی ترەمپ لەگەڵ زێلینسکی لە کۆمەڵەی نەتەوەیەکگرتووەکان، زێلینسکی دوور لەچاوی کامێراکانەوە بەگوێی ترەمپی چرپاندووە "پێویستمان بە مووشەکی تۆماهۆکی دوورمەودایە".

ئەمەش بزانە: جەی دی ڤانس، جێگری سەرۆکی ئەمریکا ئەو داواکارییەی زێلینسکی دووپاتکردەوە و ڕایگەیاند سەرۆک ترەمپ "سەیرێکی دۆخەکە دەکات"، ئەگەر مۆسکۆ بەردەوام بێت لە ڕەتکردنەوەی کۆبوونەوە سێ قۆڵییەکان ئەوا مووشەکی تۆماهۆک دەدات بە ئۆکراینا.

گۆشەیەکی دیکەی دیمانەکە: نێردەی تایبەتی ترەمپ بۆ ئۆکراینا ڕایگەیاندووە، "ئێستا بڕیار لەلای ڕووسیایە"

ئەوەی پێویستە بیزانیت: مووشەکی تۆماهۆک زیاتر لەلایەن هێزەکانی ئەمریکا و بەریتانیا بەکاردەهێنرێت هاوکات لە هەموو کەشوهەوایەک دەتوانرێت بەکاربهێنرێت.